Toyota Crown топтамасына Signia кроссовері қосылды

Toyota Crown топтамасына бұрын Crown Estate деп аталған Signia кроссовері қосылды. Бренд жаңа Crown-ды АҚШ-та көрсетті. Бұл нарықта Venza-ның орнын басатын Signia моделі маңызды болуы мүмкін. Кроссовер екі нұсқада, бірақ 243 ат күші бар бір мотормен ұсынылады.

1 / 6

• 
• 
• 
• 
• 
• 

1 / 6

Төртінші Toyota Crown басқалар сияқты TNGA-K платформасында жасалғанымен, сырт келбетімен ерекшеленеді. Signia-ның өзіндік радиатор торы мен бірегей оптикасы бар, ал төбесінің төмен орналасқан сызығы және көлбеу артқы тірегі кроссоверге спорттық келбет береді.

Signia-ның өлшемі әлі белгісіз, дегенмен Crown Estate сияқты 4930×1880×1620 мм болуы әбден мүмкін. Жолаушы орындықтарын бүктесе жүксалғыш бөліміне екі метрге дейінгі заттар сыятыны ресми түрде айтылды.

Салонның іші басқа Crown моделдерімен бірдей, бірақ АҚШ-та Crown Signia-ның тек ең үздік комплектациясы сатылады. Мысалы, базалық нұсқада екі 12.3 дюйм дисплейі бар медиажүйе, дауыс арқылы басқару, алты динамикті акустика, сонымен қатар цифрлы айна, сегіз бағытта бапталатын электрлі алдыңғы орындықтар және жүргізуші ассистенті кешені болады. Қымбатырақ нұсқасы 21 дюйм дискілермен, панорамалы үлкен шатырмен, айнала шолу камераларымен, 11 дана JBL динамигімен, баптаулар жады және цифрлы кілтпен жабдықталады.

Toyota Crown Signia көлемі 2.5 литр атмосфералы мотормен және екі электрлі қозғалтқышпен жүреді. АҚШ нарығына шығатын машинаның моторы жалпы 243 ат күшін береді, ал тартымды осьтер арасында 100:0-ден 20:80-ге дейінгі диапазонда үлестіреді. Сонымен қатар Toyota мотордың ерекше үш жұмыс режимін (эко, стандарт, спорт), электр күшімен жүру мүмкіндігін (ұзаққа және жылдам емес), 100 км-ге 6.5 литр отын жұмсайтынын айта кетті.

Toyota Crown Signia АҚШ-та келесі жылдың жазында сатыла бастайды. Деректерге жүгінсек кроссовер жапон нарығына сыртқы қуат көзінен қуат алатын басқа гибрид күштік құрылыммен шығуы мүмкін.