Toyota Crown-ның арнайы нұсқасы — Landscape

Toyota Жапония нарығына Crown кросс-седанының Landscape деп аталатын арнайы нұсқасын шығарды. Ол модельдің басқа нұсқаларынан сәл өзгеше болады. Crown Landscape шекті мөлшерде шығады, бірақ компания оның санын емес, өндіріс уақытын шектейді: мұндай кросс-седан биыл жыл аяғына дейін ғана жасалады.

1 / 6

• 
• 
• 
• 
• 
• 

1 / 6

Түрленген аспа арқасында седанның клиренсі 25 мм артты, бұдан басқа өзгеріс жайлы Toyota ақпарат берген жоқ. Crown Landscape ерекше 18 дюймдік дөңгелек дискісімен жабдықталған, ол қызыл түсті үлкен лай шашыратқышпен бірге жүреді, бұл жабдық шанақты жолдан ұшқан ұсақ тастан қорғайды.

Crown Landscape имиджін дөңгелек аркасындағы жаңа жапсырма айқындай түседі. Сондай-ақ кроссоверге арналған «қалалық хаки» деп аталатын ерекше түс бар.

1 / 4

• 
• 
• 
• 

1 / 4

Салондағы басты өзгеріс — артқы диван арқалығының 60:40 пропорциясында жиналуы. Landscape интерьері тек қара түсті болады, бірақ онда арнайы нұсқаның атауы жазылады. Промо-фотодан жаңа өнімде түрлі аксессуарлар жинағы болатыны байқалады.

Toyota Crown Landscape 2.4 литрлік турбомотор және екі электромотордан тұратын 349 ат күшіне ие гибрид күштік құрылыммен жүреді, агрегат автомат қораппен жұмыс істейді. Толық жетек базалық комплектацияда болады. Жапониядағы бағасы — 6 850 000 иен (20.2 млн теңге).