Toyota Corolla көп жыл бұрын пикап болуы мүмкін еді

Toyota-ның Оңтүстік Африка Республикасындағы бөлімі бірнеше жыл бұрын Corollа-ның оныншы буыны негізінде жеңіл пикап жасапты. Cars.co.za бұл жергілікті онша танымал емес блогердің YouTubе желісіне салған видеосынан белгілі болды деп жазды.

Басылым бұған дейін белгісіз болған эвакуатордағы Toyota автомобиліне назар аударды. Машина Corolla-ға ұқсайтын және артқы кабинасында екі есікті толық жүк платформасы бар жеңіл пикап сияқты көрінеді.

Toyota-ның елдегі өкілдігі басылымға берген сұхбатында Corolla Quest негізінде жергілікті халыққа арнап «Королла» жүк көлігін өндірмек болғандарын растады. Алайда бірнеше прототип жасаудан әрі аспапты.

Бренд көлікті нақты қашан жасағаны туралы айтылмаған. Toyota Corolla Quest Оңтүстік Африка Республикасында 2014-2020 жылдары шыққан, прототип E140 индексті оныншы буындағы модельге негізделген сияқты. Басылым толық шанақпен бірге седанды қайта жасалған артқы аспамен жабдықтаған деген болжам жасады.

Toyota сол кезде Африка Республикасында сұраныста болған жеңіл көліктерді тек жергілікті нарыққа шығарғысы келген сияқты. Ал қазір концерн көтергіш шанағы бар пикап өндіруді ойластырып жатыр. Пикап Renault Duster Oroch, Ram Rampage, тіпті Ford Maverick сияқты көліктермен бәсекелес болар еді. Жаңа машина Corolla Cross кроссоверінің платформасын алады деген сыбыс бар. Бірақ марка бұл жобаның болашағы туралы ешқандай мәлімдеме жасаған жоқ.