Toyota жаңа модельге атау таңдауға тағы бас қатыратын сияқты. Жапонияда өткен жарыстардың бірінде аяқ астынан ұйымдастырылған брифингте Ценедзи Сато топтамадан Celica купесін көргісі келетінін мәлімдеді.
Журналистер топ-менеджердің сөзін іліп алып, Toyota-ға сұрау жолдағанмен, Celica өндірісін жандандыру туралы ресми мәлімет ала алмады. Баспасөз қызметі төртінші билік өкілдерінен президент спорттық GR топтамасын толықтыру жұмыстарын жалғастырады деп құтылды. Болашақ модельдің сырт пішінін елестетуге Best Car басылымына жартылай жауаптың өзі жеткілікті болды.
Celica 1970-2006 жылдары шықты. 36 жылда спорткардың жеті буыны ауысты. Модель америкалық маслкарларды еске түсіретін артқы жетекті екі есікті көліктен толық жетекті жарыс машинасына, кейін алдыңғы жетекті лифтбекке айналды. Уақыт өте келе кроссоверлердің танымалдығы артып, модельге сұраныс төмендеген соң конвейерден түсіп қалды.
Комментариев: 0