Ер адам «ерлігін» камераға түсіріп, желіге жүктеді. Видеодан дабыл белгісін қосып алған седанның жылдамдығын 180 шақырымға дейін арттырып, қозғалып бара жатқанын көруге болады. Жүргізуші өзін тоқтатпақ болған тәртіп сақшыларын көзіне ілмейді.
Біз жүргізушінің жол ережесінің қай талаптарын бұзғанын санап, Camry рөліндегі азаматтың қандай жазаға тартылатынын анықтауға тырыстық:
- қоғамдық көлікке арналған жолаққа шығу — 3 АЕК (8751 теңге) айыппұл;
- қауіпсіздік белдігінсіз көлік жүргізу — 5 АЕК (14 585 теңге) айыппұл;
- бағдаршамның қызыл түсіне өту — 10 АЕК (29 170 теңге) айыппұл;
- маневр жасау ережелерін бірнеше рет бұзу — 5 АЕК (14 585 теңге) айыппұл;
- заңсыз стробоскоп орнату — 25 АЕК (72 925 теңге) айыппұл;
- полицейлердің талабын елемеу — 30 АЕК (87 510 теңге), бұл әрекет бір жыл ішінде қайталанса — алты айға жүргізуші куәлігінен айырылады. Ал егер полиция талабын куәлігі жоқ жүргізуші елемесе — 50 АЕК (145 850 теңге) айыппұл салынады.
Демек, ережені өрескел бұзып, жолда қауіпті жағдай тудырған есерсоқ сомасы аса үлкен де емес айыппұл төлеп құтылады да, көшеде тайраңдап жүре береді. Қалай ойлайсыздар, жазаны қатаңдату керек пе?
Түркістан полицейлері заң бұзған адамды ұстағанын хабарлады. Оның жүргізуші куәлігі де, сақтандыру полисі де жоқ екені, оған қоса жалған нөмірлі көлік мінгені белгілі болды.
Комментариев: 0