Toyota-ның ірі седаны мұхиттың арғы жағындағы ұзаққа созылған мансабын аяқтайды. Компанияның сатып алу бөлімінен мәлімет ала алатын Automotive News басылымы Джорджтаундағы (Кентукки штаты) зауытта шығарылатын бесінші буындағы Avalon өндірісі 2022 жылдан кейін тоқтайтынын хабарлады. Редакция Toyota-ға тікелей сауал жолдап, ақпараттың растығына көз жеткізген.
Келер жылы күзден бастап Avalon тек Қытайдың Тяньцзин қаласындағы зауытта өндіріледі. Алайда ол өңірдегі ұзақ мерзімді дамуына сенім аз.
Avalon алғаш 1994 жылы Чикагодағы автосалонда таныстырылды. Толық өлшемді седан барынша танымал болғанымен, нарықта ең өтімді модель бола алмады. Camry-дің неғұрлым кең әрі сәнді қосымшасы ретінде қарастырылды. Ширек ғасыр бойы сатылым мөлшерінде үлкен өзгеріс болған жоқ. Биыл алғашқы жарты жылдықта АҚШ-та 177 671 Camry, 183 360 RAV4 сатылса, Avalon-ның 10 328 данасы ғана өтті.
Қазақстанда «Авалон» ресми дилерлерде сатылмайды, бірақ ол елдегі Toyota жанкүйерлерінің арасында сұранысқа ие. Kolesa.kz сайтынан модельдің ескісін де, бағасы 24 миллион теңгеге дейін жететін жаңасын да сатып алуға болады.
Комментариев: 0