Toyota 300 миллионыншы автомобилін шығарды

Toyota компаниясы ерекше жаңалық жария етті. Компания зауыттары 300 млн автомобиль өндіріпті. 180.4 машинаны өз елінде жасаса, 119.6 млн автомобильді әлемнің әр түкпіріндегі кәсіпорындар құрастырған.

Toyota қай модель ерекше реттік сан алғанын хабарламаса да, Corolla-ны көптеп өндіргенін атап өтті. 1966 жылдан бері 12 рет буын алмастырған модельдің 53.39 млн данасы конвейерден түскен.

Анықтама ретінде: 300 млн машина шығаруға Toyota 88 жыл және 2 ай уақыт жұмсады. Рекорд қыркүйектің аяғында тіркеліпті, бірақ оны тек қарашаның басында хабарлады. Toyota-ның алғашқы автомобилі — 1935 жылы тамызда шыққан G1 жүк көлігі. Ол кезде Toyoda Automatic Loom Works деп аталған компания тоқыма машиналарын өндіретін.