Австралияның федералды соты Toyota концерніне ақауы бар сүзгі орнатылған Hilux, Land Cruiser Prado және Fortuner дизельді модельдерін сатты деген айып тақты. Сот қаулысында ақауы бар күйе сүзгісі отын шығынын арттырып, газ түтігінен иісі өткір ақ түтін шығуына себеп болғаны жазылған. Салдарынан көлік иелері дилер орталықтарына жиі барады, машина ол жақта біраз уақыт тұратындықтан, клиенттер табысынан қағылыпты.
Drive басылымы таратқан ақпаратқа сүйенсек, мәселе Австралияда 2015 жылғы қазаннан 2020 жылғы сәуірге дейін сатылған 264 170 машинаға қатысты. Шағымданушылар көлік құнының 25 %-ын талап етіпті, алайда сот 17.5 %-ын өтеу туралы шешім қабылдады. Бұл да аз ақша емес. Енді Toyota жалпы бір жарым млрд АҚШ долларын төлеуге міндеттеледі.
Компания сот шешіміне қатысты пікір білдірмеді. Яғни, күйе сүзгісінде кемшілік барын жоққа шығарған жоқ, бірақ өтемақы сомасын қайта қарау үшін арыз беруі әбден мүмкін.
Комментариев: 0