Мемлекет басшысы твиттерде мас күйінде көлік жүргізгендерге қатысты қолданылатын жазаның жуырда ауырлайтынын хабарлады:
Поручил внести изменения в законодательство: ужесточить наказание за управление транспортными средствами после приема всех видов алкоголя, а также за скотокрадство.
— Qasym-Jomart Toqayev (@TokayevKZ) October 27, 2019
Дәл қандай қатаңдату туралы сөз болып отырғанын президент ашып айтпады, ал қазіргі уақытта ҚР ӘҚБК-не сай, мас күйінде көлік тізгіндегендерге бірнеше жаза қолданылады. Мысалы, кез келген мас жүргізуші ұсталар болса, үш жылға жүргізуші куәлігінен айырылады. Мас күйінде ЖКО-на себепкер болған ел азаматы құжаттарынан төрт жылға, ал зардап шеккендер болса, бес жылға айырылады. Ішімдікке сылқия тойып алып, рөлге отырғандар әкімшілік қамауға алынуы да мүмкін. Мұндай жаза алғаш ұсталғаннан кейін бір жыл ішінде екінші не үшінші рет қолға түскендерге қатысты.
Сонымен қатар, жүргізуші куәлігінен айыру жазасы қазіргі таңда тек медициналық сараптама нәтижесінде мастығы дәлелденгендерге ғана емес, тексерістен өтуден бас тартқандарға да қолданылатынын білген жөн.
Комментариев: 0