Жобаға сәйкес, BRT желісі Тимирязев бойымен Байтұрсыновтан Желтоқсанға, одан төмен қарай Төле биге, Төле биден Шығыс айналма жолына, одан әрі әуежай маңында салынатын жаңа автовокзалға дейін созылады.
Алматы қалалық мобильділік басқармасының мамандары kolesa.kz тілшісіне хабарлағандай, қазіргі уақытта BRT жобасына соңғы түзетулер енгізіліп жатыр. Жоспар бойынша ол 2021 жылы басталуы тиіс.
Тимирязев пен Желтоқсан көшелеріндегі жүргін бөліктің сырт жағына қоғамдық көлікке арналған екі жолақ, ал Төле бидің ортасына бір жолақ түседі деген болжам бар. Соған байланысты Желтоқсан мен Шығыс айналма жолына дейінгі аралықтан машиналардың солға бұрылуына тыйым салынуы мүмкін. Бірақ бұл әлі нақтыланбаған схема.
Айта кетейік, мегаполисте 2025 жылға қарай бірнеше көше ұзартылып, үш автовокзал салынады, LRT және BRT жобалары іске асып, жаңа метро бекеттері пайдалануға беріледі.
Комментариев: 0