Numbeo статистика агенттігі есеп жүргізіп, әлемде такси қызметі ең қымбат ел Швейцария екенін анықтаған. Мұнда 1 км жол жүрсеңіз 3.93 доллар (1871 тг) санап бересіз. Ал рейтинг соңына жайғасқан Пәкістанда дәл сол қашықтыққа 0.18 доллар (85.7 тг) сұрайды.
Қазақстанда 1 шақырым жүрген адам 0.32 доллар (152.35 теңге) төлейді екен. Бұл бізге такси қызметі ең арзан елдер тізімінде 12-орынға тұрақтауға мүмкіндік бергенмен, ТМД елдері арасында қымбат деп танылды. Нәтижесінде Әзірбайжан ($0.59) мен Ресейге ($0.33) ғана жол берген Қазақстан үштікті түйіндеді.
Ranking.kz сарапшылары соңғы сегіз айда елде жолаушы тасумен айналысатын компаниялар 3 млрд теңге пайда тапқанын анықтаған. Бұл өткен жылмен салыстырғанда 0.2 млрд теңгеге көп. Тамыздағы нәтиже бойынша жол ақысы 9 % өсіпті.
Тәбеті ең көп артқан Жетісу облысының (37.7 %) таксистері көрінеді. Екінші және үшінші орынды Алматы (28.1 %) мен Абай (21.2 %) облыстарының жолаушы тасымалдаушылары өзара бөлісті.
Комментариев: 0