2020 жылдың соңында Солтүстік америкада тежеуіш педалінен ақау табылған бірнеше жүздеген Audi Q3 автокөліктерін кері қайтару жоспарланғаны туралы ақпарат тарады. Оны қатты басқанда шашылып кетуі мүмкін екен. Педальдің кронштейн дәнекерленген тұсында ақау барын торапты жеткізуші BOGE Elastmetall GmbH компаниясы байқапты.
Енді бұл мәселенің Q3-ке ғана емес, Volkswagen AG концерні жасаған автомат қорабы бар бірнеше марка мен модельге қатысы бары анықталды.
Auto motor und sport басылымы берген мәліметке сүйенсек, сервистік кампания арасында Audi Q2 және Q3, Seat Ateca мен Tarraco, Škoda Karoq және Kodiaq, сонымен қатар Volkswagen Golf, Tiguan, Touran және T-Roc сынды модельдер бар 63 328 машинаны қамтиды.
Қызмет көрсету орталығындағы мамандар кронштейн қаншалықты берік бекітілгенін тексеріп, қажет болса бөлшекті толық ауыстырады. Аталған кемшілік әзірше еш жол апатына себеп болған жоқ. Табан тірегіш ажырап кетсе де, жүргізуші автокөлікті педальдің түбірін басу арқылы тоқтата алады. Ең бастысы үрейге бой алдырмаңыз!
Комментариев: 0