«Тесла» бағдарламасы жаңа жыл алдында дәстүрлі жаңаратыны белгілі. Бірақ бұл жолғы өзгеріс көпті таңғалдырды. Drive Tesla Canada берген ақпарат бойынша борттық компьютер енді шинаның жағдайын қадағалап, тозғанын анықтаса, жүргізушіге хабарлайды екен.
Қызығы, ол үшін қосымша сезгек орнатылмапты. Кемшілік дөңгелектің айналу жылдамдығын өлшеу арқылы анықталады. Өйткені тозған резеңкенің диаметрі кішірейіп, жеңілдейді, салдарынан жоғары жылдамдықта айнала бастайды. Айналым мөлшері белгілі бір шекке жеткенде, планшет экранына тиісті ескерту шығады.
Аталған функцияның өте пайдалы болатыны күмән туғызбайды, алайда екінші жаңалыққа қатысты сұрақ көп. Ол зауытта жолаушыларға ескерту жасайтын сыртқы динамикпен жабдықталған модельдерге қатысты. Megaphone бағдарламасы динамикке дауыс зорайтқыш мүмкіндігін береді, яғни жүргізуші сырттағы адамдарға ескерту жасай алады.
NEW Tesla Megaphone feature. This is crazy! These cars haha… pic.twitter.com/OB8oI3wwhH
— Ryan Shaw (@ryanshawtech) December 24, 2021
«Мегафон» жолда дауласып қалғанда қолданыла ма деген күдік бар, бұл жағдайды ушықтырып жіберуі мүмкін. Оның үстіне «тесла» мінгендер жұрт назарына жиі ілігеді, арасында қастық жасайтындар да бар. Біраз уақыт бұрын Англияда тұрақта тұрған Model 3-тің бүйірін көрші көліктегі әйел кілтпен қасақана сырғаны түсірілген видео тарады.
Комментариев: 0