2017 жылы таныстырылған Tesla Semi электрлі ірі жүк көлігі екі жылдан кейін сериялы өндіріске шығуы керек еді. Бірақ ол мерзім бірнеше мәрте кейінге шегерілді: 2020-ға, содан кейін 2021 жылға, енді 2022 жылға қалып отыр, бұл туралы Tesla басшысы твиттер желісінде хабарлады.
Компанияның ресми сайтында Semi-дің жаңа суреттері жарияланды, бұл көліктің сериялы нұсқасы болуы мүмкін. Масктың айтуынша машинаның жүріс қоры 500 мильге (800 км-ден аса) жетеді. Semi төрт электромотормен жүреді, соның арқасында 0-ден 96-ға дейінгі жылдамдықты 20 секундта, ал тіркемесіз 5 секундта алады. Semi-дің дизайны ойдағыдай шыққандықтан, оны кейін қытайлық Geely көшіріп алды.
Жылдам жүретін, экологиялық таза ершікті тартқыштың қанша тұратыны қазірше белгісіз. Бірақ бағасы бес жыл бұрын айтылған 150 000 доллардан әлдеқайда жоғары болатын шығар.
Комментариев: 0