Tesla саудасы BYD-дан озды

2024 жылдың III тоқсаны бойынша екі ірі электромобиль өндірушісі сауда нәтижесін жариялады. Екеуінің де көрсеткіші сәл жоғары. Қытайлық гибридтің тұрақты өсіп келе жатқан саудасын есептемегенде, Tesla BYD-дан сәл озды.

Tesla 462 890 электромобиль сатқанын ресми түрде мәлімдеді. Бұл күткеннен сәл төмен, бірақ былтырғы сәйкес кезеңмен салыстырғанда 6.4 % көп және II тоқсан нәтижесінен 4.2 % жоғары. Бұның көп бөлігі (439 975 дана) Model 3 және Model Y-ға тиесілі. Tesla қалғаны туралы мәлімет бермеді, бірақ топтамасында Model S, Model X және Cybertruck пикабы бар.

BYD концерні 443 426 электромобиль сатты. 2023 жылмен салыстырғанда шамамен 3 % өскен және II тоқсанға қарағанда 4 % жоғары. Батареялы көліктер сегментінде Қытай концерні бәсекелесінен тағы да жеңіліс тапты. Соңғы рет бұл бәсекеде BYD Tesla-ны тек 2023 жылдың IV тоқсанының қорытындысы бойынша басып озған.

BYD биылдан бастап тұрақты өсім көрсетіп келеді. Қыркүйекте концерн гибрид модельдерді қосқанда, айлық сауда рекордын төртінші рет жаңартты. BYD гибрид бойынша жетінші ай қатарынан рекорд орнатып келеді.

III тоқсан қорытындысы бойынша 1 134 892 көлік иесін тапты. Осылайша BYD алғаш рет тоқсан ішінде бір миллион көлік сатты. Компания Қытайдағы бензоэлектрлі модельдердің танымалдығы артқандықтан осындай нәтижеге жетті. Былтырмен салыстырғанда мұндай BYD модельдеріне сұраныс бірден 75 %-ға өсті.