Tesla Roadster бір секундта 60 миль/сағ жылдамдық алады

Екінші буындағы Tesla Roadster-дің динамикасы бұрынғыдан жақсы болады. Компания басшысы Илон Маск X әлеуметтік желіде электромобиль бір секундтан аз уақытта сағатына 60 миль жылдамдыққа жететінін хабарлады. Сондай-ақ ол Roadster өндіріске қашан шығатынын айтты.

Roadster концептісінің тұсаукесері кезінде электромобиль бұл көрсеткішке екі секундта жететіні айтылған. Кейін Илон Маск Roadster-дің динамикасын екі есе жақсартатын қосымша Space X пакетін жариялады. Енді Roadster жылдамдығы тағы артатыны белгілі болды, бірақ компания басшысы техникалық жағы туралы толық ақпарат бермеді.

1 / 5

• 
• 
• 
• 
• 

1 / 5

Илон Маск Roadster динамикалық көрсеткішімен ғана мақтанбайтынын атап өтті. Roadster толық дайын болғанмен 2024 жылдың аяғына қарай жарық көреді. «Бұл әлемдегі ең керемет тұсаукесер болады», — деп уәде берді кәсіпкер. Tesla сериялы көліктерді 2025 жылы саудаға шығаруды жоспарлап отыр.

Tesla Roadster өндірісін бірнеше мәрте кейінге қалдырды. Оған басқа модельдер дайындап, топтаманы жаңарту себеп болды, мысалы, Cybertruck-ты шығарды. Тесла енді Roadster-ді конвейерге қою үшін көбірек ресурс бөлуі мүмкін. Электромобильге тапсырыс қабылдау қайта басталды. Тапсырыс беру үшін клиент жалпы сомасы 50 000 доллар болатын бірнеше депозит салуы керек. Roadster бағасы 200 мың доллар болуы мүмкін.