Қазір ең динамикалы Tesla ретінде атауында Plaid қосымшасы бар Model S-тің арнайы нұсқасын айтуға болады. Оның өндірісі келесі айда компанияның Техастағы зауытында басталады. Электромобиль 0-ден 100-ге дейін жылдамдықты екі секундта алады. Демек Model S Plaid әлемдегі ең жылдам сериялы автомобиль деуге мүмкіндік бар.
Бірақ Tesla-ның бұдан да екпінді басқа моделі бар екенін ұмытпаған жөн. Ол — 2017 жылы таныстырылған екінші буындағы Roadster. Он шағын реактивті мотордан тұратын SpaceX опциялық пакетімен жабдықталған спорткар алғашқы жүздікті бар болғаны 1.1 секундта еңсереді. Бустер отыны, яғни қатты мұздатылған сығылған ауа арнайы композитті бакта сақталады. Оның қосылу принципі Falcon ғарыш зымыранының ұшу бағытын түзету жұмысына ұқсайды.
Бұл опцияның жол қозғалысына қатысушылар үшін пайдасы мен қауіпсіздігі күмән тудырады. Маск денсаулығы нашар клиенттерді SpaceX-ті сатып алмауға шақырды. Tesla Roadster-дің алғашқы 1000 дана пилоттық үлгісіне қазірдің өзінде тапсырыс қабылдап жатыр. Автокөліктің құны шамамен 250 мың доллар болады. Машина сатып алушылардың қолына 2022 жылдан ерте тимейді.
Комментариев: 0