Tesla Қытайда Model Y кроссоверін жаңартты

Tesla Қытайда Model Y электрокроссоверінің жаңарған нұсқасын сата бастады. Reuters хабарлағандай, өндіруші модель жаңаратыны жайлы ақпарат таратқан жоқ. Model Y-дың көптеген түрленімінің жүріс қоры артып, динамикасы жақсарды. Бірақ электрокар бағасы өзгерген жоқ.

Артқы жетекті Tesla Model Y-дың жүріс қоры 545-тен 554 шақырымға артты, ол енді 100-ге дейінгі жылдамдықты 6.9 секундта емес, 5.9 секундта еңсереді. Ал толық жетекті Model Y AWD Long Range бір рет қуаттағанда 660 км емес, 688 км жол жүре алады, демек жүріс қоры 4 % артты.

Ең үздік Model Y Performance моделінің сипаттамасы өзгерген жоқ: 3.7 секундта жүзге дейін жылдамдық алады, жүріс қоры — 615 км.

1 / 4

• 
• 
• 
• 

1 / 4

Model Y-дың стандарт жабдықтар тізімінде күңгірт түсті 19 дюймдік дөңгелек дискісі болады. Сондай-ақ көліктің дыбыс изоляциясы жақсарды. Қытайда жаңа Model Y 263 900–349 900 юань (17.3–23 млн теңге) тұрады.

Компания жаңа сипаттамаға қалай қол жеткізгенін жарияламады, электрокардың бағдарламалық жасақтамасын жақсартқан болуы мүмкін. Германия мен АҚШ-та шыққан Model Y жаңарған жоқ.