Tesla өндіріс көлемін арттырды

Tesla 2023 жылдың екінші тоқсанындағы өндіріс есебін жариялады. Бұл кезеңде жалпы 479 700 машина шықты, оның 460 211-і шағын Model Y және Model 3, ал қалған 19 489-ы толық өлшемді Model S және Model X. Дилерлер осы аралықта 466 140 автомобиль сатты.

2022 жылғы ұқсас мезгілде 258 580 Tesla шыққан, демек көрсеткіш 85.5 % жоғарылады. Ал биылғы бірінші тоқсанмен салыстырғанда 8.8 % өсім көрсетті. Баға төмендеп және Остиндегі (Техас штаты) жаңа гигафабрикада өндіріс көлемі артқандықтан, Tesla көліктері көп өтіп жатыр.

Tesla акциясының құны 30 маусымда 261.80 доллар болған, ал 3 шілдеде 281.87 долларға өсті. Осыған байланысты Илон Маск инвесторларға қор нарығындағы қауіп туралы ескерту жасады, өйткені ол басқаратын компанияның акциясы тым құбылмалы.