Tesla-ның жаңарған модельдері клиенттерге ұнамады

Бренд флагман модельдері — Model S пен Model X жаңарғанын хабарлады. InsideEVs басылымы тұтынушылар толыққанды рестайлинг күткен, бірақ көп өзгеріс байқалмады деп жазды. Сол себепті Tesla-ның жұмысына наразы адам көп.

Клиенттер Tesla модельдеріне қуаттау процесін тездететін 800 вольттық архитектура орнатады, көліктің жүріс қоры артып, жаңа озық функциялар қосылады деп үміттенген. Алайда компания шасси мен салондағы шуоқшаулағышты сәл жақсартты, алдыңғы камера қойып, Model S-тің жүріс қорын 8 миль (12 км-ден сәл асады) арттырды. Соның өзінде электрокарлар 5 мың доллар (2.5 млн теңге) қымбаттаған.

1 / 8

• 
• 
• 
• 
• 
• 
• 
• 

1 / 8

Tesla көліктерінен айтуға тұрарлық еш жаңалық байқамаған жүргізушілер одан әлдеқайда жақсы Lucid және Rivian өнімдерін таңдап жатыр. Балама ретінде Kia EV9 мен Ioniq 9-ды атағандар да бар.

Басылым 2020 жылы Илон Маск Model S-тің 400 миль (644 км) жүріс қорын индустрия үшін үлкен жетістік деп атап, бес жылдан кейін оны 410 мильге жеткізгенін еске салды. Журналистер кезінде осы сегменттегі революцияға бастау болған флагмандар қазір ескірді деп санайды. Компания басшысы біраз уақыт бұрын бұл екеуін өндіру әдетке айналып кеткен іс сияқты, өйткені жалпы саудадағы үлесі тым аз деп мәлімдеді.