2019 жылы жарық көрген Tesla Model Y кроссовері электрлі және бензинді көліктерді қоса есептегенде әлемде ең көп сатылған машина болуға жақын. Компания акционерлерінің жиналысында сөз сөйлеген Tesla Inc бас директоры Илон Маск Model Y биыл әлемде ең көп табыс әкелген машина болғанын, келесі меже ең көп сатылған көлік атану екенін айтты. Бұл туралы Electrec хабарлады.
Қазір әлемдегі ең өтімді автокөлік — Toyota Corolla, 2021 жылы оның 1 150 000 данасы шықты. Ұқсас мезгілде Tesla 936 222 дана электромобиль сатты. Әлемде әр тоқсанда 150 000 дана Model Y өтіп жатқандықтан, Маск қазіргіден де мол коммерциялық табыс табатынына сенімді.
Tesla көлік өндірісін барынша арттырып, 2022 жылы 1.3 млн данадан аса машина сатуды көздеп отыр. Келер жылы Берлин мен Техастағы гигафабрика толық іске қосылатынын ескерсек, Model Y әлемдегі № 1 танымал машина атануы әбден мүмкін. Оның үстіне Model Y әркімнің қалтасы көтеретін бюджеттік машина емес, бағасы 70 мың доллардан асатын қымбат көлік, ол Қазақстанда да арзан емес.
Комментариев: 0