Tesla Cybertruck-тың зауыттық аксессуарын көрсетті

Блогерлермен кездесуде Tesla-ның күштік құрылым және энергетика жөніндегі вице-президенті Дрю Бэглино компания Cybertruck-қа арнап аксессуар жинағын жасап жатқанын растады, өйткені пикап иелері машинасын түрлі жабдықпен әрлеуге әуес.

1 / 5

• 
• 
• 
• 
• 

1 / 5

Опция элементтері қандай болатынын компания иесі Техаста литий батареясы зауытының іргетасын қалаған кезде кездейсоқ көрсетіп қойды, ол іс-шараға модель прототипінің бірін ала барыпты. Машинаның жүк қоятын бөлігінің үстінде ірі, торлы металл құрылым көзге түсті.

Tesla Cybertruck өндірісі биыл жазда басталады. Жолаушы және жүк тасуға арналған электромобиль үш түрлі күштік құрылыммен шығады: марка машинаны бір, екі және үш электромотормен жабдықтайды. Олардың жүріс қоры нұсқасына байланысты 400–800 шақырым болады.