Tesla Cybertruck-ты ресми таныстырды

2019 жылдың қарашасында Илон Маск Tesla-ның алғашқы пикапын көрсетті. Тот баспайтын қатты болаттан жасалған қырлы футуристік көлік алдында және артында ұзын жарықдиодты сызығы бар фара және шаммен, жол талғамайтын шинамен жабдықталды. Модельдің сипаттамасы мен дизайнына қызыққан 2 миллионнан астам адам алдын ала тапсырыс берді. Алайда, Cybertruck-тың тауар түріндегі нұсқасы айтарлықтай кешігіп, 2021 жылы шығу керек болған көлік 4 жылдан кейін, яғни 2023 жылдың 1 желтоқсанына қараған түні ел алдына шықты.

Жылдар бойы пикапты Илон Масктың бала кезінде салған суреті, арманы деген әзілдер және концепт болып қалады деген болжамдар да айтылды.

1 / 10

• 
• 
• 
• 
• 
• 
• 
• 
• 
• 

1 / 10

Жоқ. Көлік прототиптің өзіндік сырт пішінін сақтап қалғанмен, салоны өзгерді. Бірақ сипаттамасы мен бағасы уәде еткендей болмады.

Сybertruck қандай нұсқалары болады?

Ресми презентация кезінде екі модификацияның сипаттамасы белгілі болды. Ең қуатты Cyberbeast 845 ат күшін беретін үш электрлі мотормен жабдықталады. Бұндай көлік алғашқы жүздікті 2.6 секундта еңсереді және драг-стриптің 402 метрін 11 секундта жүріп өтеді. Қуат пен жоғары жылдамдық жүріс қорына әсер етеді. Қосымша қуаттаусыз пикап 515 шақырым жүре алады. Компания үш моторлы нұсқа 805 шақырым жүреді және құны 70 мың доллар болады деп 2019 жылы хабарлаған. Қазір 100 000 доллар сұрап отыр.

Қуаты маңызды емес, бірақ толық жетек қажет дейтіндерге 600 ат күшін беретін екі моторлы нұсқа жасалды. Осындай Cybertruck толық зарядта 547 шақырым жүре алады. Нәтиже күткеннен асып түскені қызық болды. Алайда бағасы өзгергені өкінішті. 50 000 доллар деп күткен баға 30 000 долларға өсіп, 80 мың долларды құрады.

Базалық Cybertruck бір моторлы болады. Қуаты туралы әлі ешнәрсе айтылмады. Жүріс қоры 402 шақырымға жетеді. Дегенмен артқы жетекті Tesla-ға 2025 жылы ғана тапсырыс беруге болады. Бағасы 61 000 доллардан басталады, бастапқы құнынан 21.1 мың доллар көбірек

Сybertruck-тың интерьері қандай?

Салон мен жабдықтар тізімі айтылмады, бірақ суреттерден минимализм стилі, басқа Tesla көліктеріндегідей жалпақ рөл, ортадағы үлкен дисплей мен артқы жолаушыға арналған қосымша экран, физикалық түймелердің, тіпті ортаңғы консольдегі сымсыз қуаттау жүйесінің жоқтығы байқалады. Көлікке жүргізуші ассистентінің толық кешені және жол жоқ жерде жүру көмекшісін орнатқан.

1 / 9

• 
• 
• 
• 
• 
• 
• 
• 
• 

1 / 9

Сybertruck брондала ма?

«Кибертрактың» бірнеше қызық ерекшелігін атап өту керек. Біріншіден, көліктің шанағы өз деңгейінде оқтан қорғайды, бірақ сертификаттау жайында ешкім сөз қозғамады. Сонымен қатар көлікке мықты терезелер орнатқанын оған бейсбол добын лақтырып көрсеткен болатын. Қосымша бонус опция түрінде шанаққа қойылуы керек жәшік тәрізді пауэрбанк бар. Онымен екі моторлы Cybertruck 547 емес, 756 шақырым жүре алады.

Іс-шарада компания клиенттерге алғашқы он «кибертракты» берді, ал қалғандары күтуге мәжбүр. Tesla модельді көптеп өндіруді 2024 жылға, бар қуатын қосуды 2025 жылға жоспарлап отыр. Кейбір деректер бойынша алдын ала тапсырыс саны 2 млн-нан асатынын ұмытпау керек.