Tesla Cybertruck краш-тестте үздік баға ала алмады

АҚШ-та тәуелсіз краш-тест өткізетін жол қауіпсіздігін сақтандыру институты Tesla Cybertruck-тың сынақ нәтижесін жариялады. Жалпы жақсы баға алғанмен, электрокарға ең жоғары Top Safety Pick+ атағы бұйырмады: институт инженерлері оның жарық техникасына мін тақты.

Tesla Cybertruck шағын бағдарлама бойынша тексерістен өтті, яғни тек бір соққы жасалды. Электромобиль кедергіге 64 км/сағ жылдамдықпен соғылды. Сарапшылар пикаптың шанағы мен қауіпсіздік жастығы алдыңғы жолаушылардың басын, кеудесін және аяғын жақсы қорғайтынын атап өтті. Артқы қатарда отырғандарға да аса көп қауіп төнбейді.

Бұл сынақта Cybertruck ең жоғары ұпай алды. Жаяу жүргіншілерді қорғайтын электрондық көмекшілер жұмысы мен балалар креслосын бекіту жүйесі де жоғары бағаланды. Бірақ мамандар қауіпсіздік белдігін тағуды еске салатын функцияның жұмысын қанағаттанарлық деп электрокардың шамына төмен балл жазды. Соған қарамастан, мамандар пикапты бес жұлдызға лайық деп тапты.

IIHS бұл сынақ нәтижесі 2025 жылғы сәуірден кейін шаққан Cybertruck-қа қатысты екенін айтты. Өйткені биыл көктемде марка бұл модельдің төменгі бөлігінің құрылымына біршама өзгеріс енгізген.