Темір адамның костюміне ұқсайтын GT-R

Ларри Чен есімді фотограф Italdesign әзірлеген Nissan GT-R50 моделінің бірнеше фотосуретін жариялады. Бұл ателье жақсартқан он тоғыз GT-R50-дің бірі. Жапониядан басқа Сингапур мен АҚШ-та екі нұсқасы бар. Қызыл және алтын түстес гаммаға боялғаны біреу — біз сөз етіп отырған машина.

1 / 7

• 
• 
• 
• 
• 
• 
• 

1 / 7

Көлік түсінен иесі Марвел фильмдерін жақсы көретіні байқалады. Дегенмен «данышпан, миллиардер, плейбой, филантроптың» өзі басқа маркаларды ұнататын. Оның гаражында Saleen S7, Acura NSX концептісі мен бірнеше Audi R8 тұрушы еді.

Ателье шеберлерінің қолынан шыққан модельдер техникасы жағынан GT-R Nismo деңгейінде жасалған. Автомобиль моторы 720 ат күші мен 780 Нм моментті барлық дөңгелекке бірдей береді. Бұл машинаның алғашқы жүздікті 2.9 секундта алып, жылдамдығын 315 шақырымға дейін арттыруына жағдай жасайды.

Italdesign жасаған Nissan GT-R50 шамамен миллион еуро тұрады. 2018 жылы 50 автомобиль жасау жоспарланған, алайда ателье көлік санын біраз қысқартты.