Tata концерні Curvv атты кросс-купе жасады

Компания Curvv-тің сериялық нұсқасын көрсетті. Ол екі жыл бұрын шыққан концепт-кардың конвейерге тұрған нұсқасы болды. Техникалық ақпарат жоқтың қасы, бірақ көлік 7 тамызда саудағы шығады және электрлі күштік құрылыммен жабдықталады. Кейінірек электрокарға бензинді және дизельді нұсқалары қосылады.

Сериялық кроссовер конвейер үшін жеңілдетілген бірнеше бөлшектерді қоспағанда, концептіге ұқсайды. Мысалы, дәстүрлі дөңгелектер және прототипте болған камералардың орнына айналар, сондай-ақ басқа жарық техникасы бар. Электрокар сұйық отын тұтынатын нұсқалардан қуаттау порты бар радиатор торымен және аэродинамикалық дизайны бар дискілерімен ерекшеленеді.

Интерьер суреттері әлі жоқ, бірақ Үндістандағы БАҚ хабарлағандай салоны Nexon моделінен еш өзгеріссіз алынады, себебі Curvv осы платформада жасалған. Негізгі айырмашылық — қымбат әрлеуін таңдау мүмкіндігі, бұл кросс-купенің премиум модельге тиесілі екенін көрсетуге тиіс. Сол себепті Curvv жетілген медиатехнология мен жүргізуші ассистентінің кең жинағын алады.

Мотор гаммасы да Nexon моделінен алынады. Оған 110 ат күші бар 1.2 литрлік турбомотор және қуаты бірдей 1.5 литрлік дизель, 129 немесе 143 ат күшін беретін электрлі күштік құрылым кіреді. Батареялы Curvv қайта қуаттаусыз шамамен 500 шақырым жүреді.

Tata компаниясы кросс-купе Үндістанда танымал болмағандықтан кең мотор гаммасы мен көптеген комплектация Curvv моделіне деген сұранысты арттырады деп ойлайды. Компания өкілдері жаңа өнімнің динамикалық сырт келбеті оның кеңдігіне және тиімділігіне әсер етпегенін мәлімдеді. Кроссовердің танымал болуына арзан баға ықпал етеді, бірақ ол 7 тамызда белгілі болады.