Көлік бір күн бұрын үй ауласынан ұрланған. Тәртіп сақшылары «Ұстап қалу» жоспарын құрып, патрульдік жасақтардың барлығына бағыт-бағдар берген, — деп Астана қалалық Полиция департаментінің баспасөз қызметі хабарлады.
Бейнебақылау камераларындағы жазбаларды қарау барысында Жедел басқару орталығының инспекторы Мәңгілік ел көшесінен қолды болған темір тұлпарды байқап қалады да, ақпарат жақын маңдағы экипаждарға таратылады. Полицейлерді көрген ұры жол ережелерін өрескел бұзып, олардан қашпақ болғанымен, алысқа ұзай алмады. Көше қиылыстарының бірінде жүргізуші көлік тізгініне ие бола алмай, жолдың жүргін бөлігінен шығып кетеді де, күртік қарға тығылып қалады. Қар ішінде тырбаңдап жатқан дәрменсіз ұрыны полицейлер бірден тұтқындаған.
Сотқа дейінгі тергеу жұмыстары басталды.
Комментариев: 0