Тарихтағы ең соңғы «шағала қанатты» Mercedes-Benz 300 SL сатылады

22 қарашада Лас-Вегаста Mercedes-Benz 300 SL-дің ерекше экземпляры саудаға түседі. Тарихтағы соңғы Gullwing аукционға шықты. Автомобиль көп адамның қолында болмаған әрі қазіргі жағдайы өте тамаша.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Mercedes-Benz 300 SL купесі 1954-1957 жылдары жарық көрді. Небәрі 1.4 мың данасы шыққан, ең соңғысы 1957 жылы 15 мамырда конвейерден түсті. Ең соңғы экземпляр болғандықтан ол бірнеше ай көрмеде тұрып, қыркүйекте ғана сатылды.

70 жылға жуық уақытта 300 SL төрт адамның болған. Соңғы иесі раритетті ширек ғасыр мінді. Аукцион үйі купе зауытта орнатқан қозғалтқыш, трансмиссия және шассиін сақтап қалғанын жазды. Ал шанағы мен интерьері түпнұсқаға сай әрленген, 300 SL қазір зауыттан шыққан кездегідей көрінеді.

1 / 5

• 
• 
• 
• 
• 

1 / 5

Атақты модельдің соңғы экземплярын 2.5-3.5 млн долларға сату жоспарланып отыр. Бірақ автомобиль бұдан қымбат бағалануы мүмкін. Мысалы, қазанда RM Sotheby’s аукционы алюминий шанақты 29 дана Mercedes-Benz 300 SL-дің бірін сатты. Спорткар әбден тозған. Соған қарамастан машина жоспардағы 6 млн долларға емес, 9 млн 355 000 долларға өтті.