Тарихтағы ең қуатты Golf GTI

Компания Golf GTI-дің жаңа модификациясын ұсынды. Ол GTI моделінің 2026 жылы тойланатын 50 жылдығына арналды және соған сай Edition 50 атауын алды. Жаңа өнімнің басты ерекшелігі — ең қуатты 2 литрлік турбомотор. Volkswagen спорткар өндірісін жыл аяғына қарай бастап, келер жылы алғашқы клиенттеріне автомобильдің кілтін тапсырады.

Көлік GTI Clubsport модификациясына негізделген. Мамандар қозғалтқышын қайта баптап, қуатын 325 ат күшіне (420 Нм) арттырды. Осылайша бұл тарихтағы ең қуатты GTI атанды. Бес есікті хот-хэтч алғашқы жүздікті 5.5 секундта еңсереді, ең жоғары жылдамдығы — 270 км/сағ.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Шассиі жаңарған Edition 50-дің клиренсі 15 мм төмендеген. Опция ретінде GTI Performance пакетін алуға болады. Онымен спорткарды басқару мүмкіндігі артады. Бұл пакетке қайта бапталған серіппелер мен басқаша тірек кіреді, нәтижесінде клиренсі 5 мм төмендейді. Хетчбэк стандарттан 3 келі жеңіл 19 дюймдік дискілер, Bridgestone жартылай слик шинасы және салмағын 11 келі жеңілдететін Akrapovic спорттық газ шығару жүйесімен жабдықталады.

Дәл осы конфигурацияда спорткар ресми премьераға дейін алғашқы рекордын орнатты. Golf GTI Edition 50 «Нюрбургринг» трассасын 7 минут 46.13 секундта жүріп өтіп, бұл жолды ең жылдам бағындырған сериялық Volkswagen атанды.

1 / 5

• 
• 
• 
• 
• 

1 / 5

Мұндай Golf-ті дискілерінен бөлек арнайы қызыл-қара шанағынан танисыз. Салонында торлы өрнекті орындықтар, жаңа рөл және қызыл қауіпсіздік белдігі бар.

Машинаның ресми бағасы әзірге жарияланған жоқ, бірақ Golf GTI кемі 55 мың еуроға (33 млн теңге) бағалануы мүмкін.