Жол-патрульдік полиция инспекторлары жол ережесін өрескел бұзған жүргізушіні 40 мың теңгеге жауапкершіліктен босатпақ болған. Жамбыл облысы Полиция депатаментінің баспасөз қызметі хабарлағандай, аталған дерек бойынша ҚР ҚК-нің 336-бабының (Пара алу) 2-бөлігі бойынша сотқа дейінгі тергеу жұмыстары басталды. Бұл бапқа сәйкес кінәлі деп танылған азаматтың мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, параның 60-тан 70 еселенгенге дейінгі сомасы мөлшерінде айыппұл салу не 7-ден 12 жылға дейін бас бостандығын айыру жазасы кесіледі.
Қазіргі таңда полицейлердің екеуі де Тараз қаласы Полиция басқармасының уақытша ұстау изоляторында отыр.
Облыстық департаментте қызметтік тексеріс басталды, оның нәтижесінде пара үстінде қолға түскен тұлғалардың тікелей басшыларын жауапқа тарту жөнінде мәселе қарастырылатын болады.
Комментариев: 0