Tank 700 Қазақстанға келді

Еліміздегі Tank топтамасына жаңа флагман қосылды. 500-модельдің орнын енді 700 индексті рамалы жол талғамайтын көлік басты, ол V6-ға негізделген бензоэлектрлі күштік құрылыммен және толық тәуелсіз аспамен жабдықталады.

Tank 700 жалғыз PHEV Limited комплектациясында сатылады. Ол 385 ат күшін беретін 3 литрлік V6 турбомоторымен жұптасқан 9 сатылы автоматпен жүреді. Қосымша электрлі мотордың арқасында жалпы қуаты 523 ат күшіне (850 Нм) жетеді. Ресми мәліметке сүйенсек, Tank 700 алғашқы жүздікті 6.5 секундта еңсереді. Электр қуатымен 90 шақырым жүреді. Машинада төмен беріліс пен осьаралық, сондай-ақ дөңгелек аралық дифференциалды бұғаттағыш тұр.

1 / 7

1 / 7

Өлшемдері — 5110×2122×1986 мм, дөңгелек базасы — 3 метр, клиренсін 245-282 мм аралығында реттеуге болады, салмағы — 2850 кг.

Жабдықтар тізіміне алдыңғы және бүйірлік эйрбэг, қауіпсіздік пердесі, көмекші электроника кіреді. Оның ішінде жақсарған жүргізуші ассистенттерінің кешені: бейімді круиз-бақылау, автоматты тежеу, жолақ пен көрінбейтін аймақты бақылау, айнала шолу камерасы, автоматты тұраққа қойғыш және жолсызға арналған көмекшілер жинағы бар.

Tank 700 үш аймақты климат-бақылау, шынтақ тіреуіште орналасқан салқындатқыш бокс, электрлі реттегіші мен жады бар орындықтар және жылытқыштың толық жинағы, 16.2 дюймдік медиакешен, 16 динамикті аудиожүйе, цифрлы аспаптар панелі, проекция, екі сымсыз қуаттағыш, USB розеткалар және жүксалғыштағы 220 вольттық розетка, амбиент жарық, артқы есіктердегі электр жетекті перделер және т.б алды. Салоны Nappa былғарысымен қапталған, жол талғамайтын көлікке 275/50 өлшемді шина мен 22 дюймдік дискілер орнатылған.

1 / 12

Ресми баға парағында нақты мәлімет жазылмаған. Марка өкілдері көлік құнын дилерге өзі барған кісіге ғана айтады екен. Дегенмен қытай бренді флагманды «Премиум+» нұсқасындағы Toyota Land Cruiser 300-ге тең санайтынын білеміз. Ал «крузер» 66.3 млн теңге тұрады. Бірақ бұл модельдің бәсекелестері саналатын Lexus LX 600 және Mercedes-Benz G-Class-тан біршама төмен баға.

Анықтама ретінде: Жекелеген тұрғындар жеткізіп жүрген Tank 700-дің ең арзанын 36.5 млн теңгеге алуға болады.

Комментариев: 0