Tank 500 ANCAP сынағынан өтті

Аустралияда Tank 500 қауіпсіздік сынағынан өтті. ANCAP тестілеу протоколына сәйкес, көлік бес жұлдыз алды, бірақ инженерлер бірнеше ескерту жасады.

Толық және жартылай соққы тигенде жүргізуші орнындағы манекеннің денесіндегі сезгектерге жоғары күш түскені байқалды. Соңғы сынақта сенсорлар артқы жолаушының кеуде және мойын жарақатын алу қаупін тіркеді, сондықтан максимал 16 ұпайдан 1.8 ұпай алып тастады. Tank 500 бүйірден келген соққыға өте жақсы төтеп берді, бірақ бағанаға соғылғанда сезгектер кеуденің жарақат алу ықтималдығын көрсетті.

Мамандар Tank 500-ді оның үлкен көлемі, ауыр салмағы және алдыңғы жағы көтеріңкі болғаны үшін сынға алды. ANCAP критерийлеріне сәйкес, мұндай көлік жол апаты болған жағдайда басқа машинадағы жолаушылар үшін қауіпті. Инженерлер рейтингтің бұл бөлігін «үйлесімділік» деп атайды, сегіз мүмкін балдан модель нөл алды.

Соғылған кезде басқа жол талғамайтын көліктер сияқты Tank 500-дің де капот алды мен алдыңғы әйнегінің төменгі бөлігі қауіп төндіреді. Бірақ ол жаяу жүргіншілер мен велосипедшіні анықтауда керемет жұмыс істейтін автоматты тежеу ​​жүйесін (AEB) қосатын жүргізуші көмекшілеріне ие.

Кейбір жерде AEB жұмысының нәтижелері сынға ұшырады. Мысалы, қарсы келе жатқан машина күтпеген жерден пайда болып, бетпе-бет соғылған жағдайда, кешен әлсіздік көрсетті.

Tank 500-дің жалпы көрсеткіштері ересек жолаушыларды қорғау бойынша 85 %, балаларды қорғау бойынша 93 %, жаяу жүргіншілерді қорғау бойынша 81 % және көмекші электроника жұмысы бойынша 84 % құрады.

Модель	Жалпы рейтинг	Ересек жолаушыларды қорғауы	Балаларды қорғауы	Жаяу жүргіншілерді қорғауы	Қауіпсіздік жүйелері
Tank 500		85 %	93 %	81 %	84 %