Tank 300 дизельді мотормен жүреді

Қытай Өнеркәсіп министрлігі Tank 300-дің жаңа нұсқасы туралы ақпарат жариялады AutoHome хабарлағандай, басты өзгеріс — бренд өкілдері көктемде айтқандай көліктің күштік құрылымында. Марка машинаға Great Wall концернінің өзге модельдерінен алынған төрт цилиндрлі дизельді мотор орнатады.

Жарияланған ақпараттан қозғалтқыштың көлемі мен қуаты белгілі болды — 2.4 литрлік мотор 186 ат күшін береді. Осы параметрге қарағанда агрегат бұған дейін GWM пикапы Haval H9-ға қойылған мотормен сәйкес келеді. Дизельді қозғалтқыш 480 Нм береді әрі 9 сатылы автомат қораппен жұмыс істейді.

Дизельді агрегат Tank 300-дің сырт пішініне ешқандай әсер етпейді, бірақ машина салмағы 2 литрлік төрт цилиндрлі бензинді мотормен жүретін нұсқадан 150 келі ауыр болады. Дизельді «үш жүздік» трансмиссиясындағы барлық жол талғамайтын опциясын сақтап қалады.

Қытайда ауыр отынмен жұмыс істейтін қозғалтқышқа сұраныс жоқ, сол үшін дизельді Tank 300 экспортқа шығады деген болжам бар. Демек ол Қазақстанға келуі мүмкін. Tank 300-дің мотор гаммасын кеңейту модельдің рестайлингіне сәйкес келіп тұр. Жол талғамайтын көліктің шанақ дизайны өзгермейді, бірақ интерьері жаңарып, жаңа дисплей мен трансмиссия селекторы пайда болады.