Tank 300 дизельді мотормен жүреді

Tank 300-дің мотор гаммасы толығады. Great Wall концернінің басшысы Вэй Цзяньцзюнь жақында қатарға дизельді агрегат қосылатынын хабарлады. Дизельді қозғалтқышқа Қытайда сұраныс жоқ екенін ескерсек, мұндай Tank 300 негізінен сыртқы нарыққа шығуы мүмкін.

Tank ең арзан моделін бұған дейін бірнеше Great Wall пикабы мен Haval H9-ға қойған күштік құрылыммен жабдықтайды. Ол — 9 сатылы автоматпен жұмыс істейтін 186 ат күшіне ие (480 Нм) 2.4 литрлік қозғалтқыш.

Tank 300 топтамасында қуатты күштік құрылым бар, бірақ ол қымбат немесе электрлі қосымшаға ие. Дизельді Tank 300 жолы нашар, гибрид машина мінуге қолайсыз консервативті нарықтарға арналады.

Бұған дейін BAIC концерні осындай қадамға барған. Олар Ресей нарығына арнап алдыңғы буындағы BJ40-тың дизельді түрленімін шығарды, мұндай моторды модельдің жаңа буынына да орнатады. Қытай автонарығы өте үлкен болғанымен, былтыр 180 мыңға жетпейтін дизельді көлік өтті. Көбі — пикап пен жеңіл коммерциялық техника.