Тамызда ең көп өткен он жаңа машинаның бесеуі — Hyundai өнімі

Тамызда Қазақстандағы ресми дилерлер 17 829 жаңа жеңіл автомобиль мен коммерциялық техника сатты. Бұл шілдедегі көрсеткіштен (17 142 машина) сәл көп, бірақ 2023 жылғы тамыздағы нәтижеге жетпейді. Қазақстан автомобиль одағы хабарлағандай, жаздың соңғы айында сауда 2.2 % құлдырады. Ал сегіз айдың қорытындысы бойынша 0.9 % төмендеді. Қаңтар мен тамыз арасында 119 225 жаңа көлік иесін тапқан.

Қазақстанның автокөлік одағы тамызда ең көп өткен он автомобильдің көбі Қазақстанда жасалғанын хабарлады. Ұйым президенті Анар Мақашева отандық автоөнеркәсіп жақсы дамып келеді деп санайды, өйткені клиенттер өз елімізде шыққан өнімге сенім артып, сатып алып жатыр.

Тамызда саудасы қызған модельдер тізімінде жағдай шынымен қызық. Біріншіден, биыл алғаш рет Қазақстанда шыққан көліктер үздіктер тізіміне көптеп кірді. Екіншіден, он позицияның бесеуіне Hyundai модельдері жайғасқан.

1 / 10

• 
• 
• 
• 
• 
• 
• 
• 
• 
• 

1 / 10

Көш басында бұрынғыдай Hyundai Tucson тұр. Дилерлер оның 1868 данасын сатты. Екінші орынға Chevrolet Cobalt (1710), үшінші сатыға Kia Sportage (684) орналасты. Өзге Hyundai өнімдері төртінші, бесінші, алтыншы және сегізінші қатарда тұр, олар: Elantra (658), Santa Fe (557), Sonata (498) және Bayon (470).

Hyundai тамызда 4367 машина саудалады. Бұл өткен айда сатылған жалпы автомобильдің төрттен бірін құрап отыр. Екінші және үшінші орында Chevrolet (2403) мен Kia (1646) тұр. Үздік бестікке қытайлық Chery (1229) мен JAC (1035) енді.

2024 жылғы тамыздағы сауда нәтижесі бойынша үздік 10 марка

Сегіз ай қорытындысы бойынша Hyundai көшбасшы орнын нығайтып, бәсекелестерінен ұзап барады. Биыл марканың 26 996 машинасы өтті. Ал Kia мен Chevrolet сәйкесінше 15 105 және 12 753 көліктің кілтін тапсырды. Бірақ үш марканың саудасы да былтырғымен салыстырғанда төмендеп кеткен. Атап айтқанда, Hyundai көрсеткіші — 13.8 %, Kia — 7.8 %, «Шевидікі» 55.7 % құлдырады.

2024 жылдың сегіз айындағы үздік 10 марка