Тамыз айындағы жаңа автокөліктер нарығы: Camry, Grantа және Tucson

Жаңа автокөліктер нарығындағы бестселлер — Camry 70 міне, төрт ай қатарынан арзан Lada Granta-ны тіпті айлық нәтиже бойынша да шаңына жуытар емес. Дегенмен, халықтың дүрлігуі бірте-бірте саябырсып келеді: егер мамыр және маусым айларында айына 600 дана Camry сатылған болса, шілде айында сұраныс төмендей бастаған (425 дана), ал тамызда бар болғаны 406 седан сатылыпты. Сегіз айдан кейін Toyota Camry мен Lada Granta арасындағы айырмашылық жарты мың автокөлікті құраған (сәйкесінше 2 981 және 2 429 дана). Бұл дайындама Toyota Camry-дің 2018 жылы да Қазақстандағы ең көп сатылатын көлік атануына мүмкіндік береді.

Әйтсе де, екінші орынның тұрақты иесінің жылы орнынан оңайлықпен қозғала қоймасы анық. Қыркүйекте Lada Granta жаңа Х-кейіпте жарыққа шығады, тіпті жинақтың едәуір қымбаттағанына қарамастан, ол «жетпісіншіге» қарсы тұруы тиіс. Екі ай қатарынан Hyundai Tucson үшінші орынды еншілеп келеді — тамызда 322 кроссовер сатылған (шілдеге +25.8 %) және 2018 жылғы қаңтар мен тамыз аралығында аталған көліктің 1603 данасы сатылыпты. Бұл қарқын жалғасатын болса, Lada 4×4 Қазақстандағы ең көп сатылатын жол талғамайтын көлік/кроссовер атағынан айырылып қалуы мүмкін (тамызда 227 данасы сатылса, сегіз айда 1 972 көлік өз иесін тауыпты).

Toyota RAV4 төртінші буынның аяқталар тұсында бұрын соңды болмаған өсім көрсетуде, сатылған көлік саны — 270 (+50.8 %). Жалпы айтқанда, Toyota-ның жағдайы жақсы: тамызда 1 264 көлік өткізіпті (алдыңғы айға +9 %). Екінші орын 1 210 көлік сатқан (—2.4 %) Lada-ға тиесілі. 739 дана көрсеткішпен (+5.1 %) Hyundai үшінші орынға тұрақтаған. Қалай болғанда да, бұл үштік қазақстандық нарықтағы сатылымның негізгі бөлігін құрайды. Сегіз айдың қорытындысы бойынша, дилерлер 36 191 жеңіл көлік өткізіпті, оның 8 329 данасы Lada автокөліктері (нарықтағы үлесі — 23 %), 8 023 «тойота» (үлесі — 22.2 %) және Hyundai маркасына тиесілі 4 840 дана (13.4 %) кроссовер мен седан.

Жалпы алғанда, Toyota еліміздің нарығы үшін ең ірі әрі негізгі аймақтар — Алматы мен Астанада көш бастап тұр. Lada көліктерінің астаналардағы үлесі аса үлкен емес, алайда елдің солтүстігі мен шығысында 40 %-тен асып жығылады. Бұл орайда, Ақмола, Түркістан, Алматы облыстарындағы көліктерді көбіне Астанада, Шымкентте және Алматыда сатып алатынын да ескерген жөн.

Материал ҚАБА және «ҚазАвтоПром» деректері бойынша әзірленді

Ең сұранысқа ие үлгілер тізіміндегі топ-10 (қаңтар-тамыз 2018 ж.)

Брендтер бойынша сатылым нәтижелері (қаңтар-тамыз 2018 ж.)