Талдықорған — Өскемен тас жолының құрылысы биыл аяқталады

Құрылыс жүріп жатқан Талдықорған — Қалбатау — Өскемен жолы 768 шақырымға созылып жатыр, оның 37 шақырымы 1-Б техникалық категориясындағы төрт жолақты жол, ал 731 шақырымы 2-нші категориядағы қарапайым 2-4 жолақты болады.

«Қазавтожол» Kolesa.kz редакциясына 22 мамырдағы жағдай бойынша 748 шақырым жолмен жүруге болатынын хабарлады. Аяқталмаған бөлігі — үш айналма жол бойынша 20 км (Шынқожа ауылы — 6 км, Үшбиік ауылы — 4 км, Аягөз қаласы — 10 км). Осы жолдарда көліктер әлі ескі төсемді басып жүр және 16 бөлікке асфальттың жоғарғы қабаты төселуде.

Мамандардың ақпараты бойынша жолға көпір мен мал айдайтын өткел салу жұмыстары аяқталып қалды. Бір жолайрықтың 85 %-ы дайын. Талдықорғаннан Өскеменге дейінгі асфальт жолды 2024 жылдың аяғына қарай ашу жоспарланып отыр.

Биыл ақпанда үкіметтің кеңейтілген отырысында ел президенті ұзаққа созылған барлық жол құрылысын, оның ішінде 2013 жылы 6 млрд теңгеден астам қаржы бөлінген Талдықорған — Өскемен трассасын аяқтауды тапсырған.