ІІД-нің баспасөз қызметі хабарлағандай, екі жігіт жол-жөнекей көлік тоқтатып, оған отырғаннан кейін қысқа уақытта ашық жатқан дүниенің бәрін үптеп кетіп отырған. Күдіктілердің айтуынша, негізінен олар ұялы телефондарды, әмияндар мен басқа да қолдарына түскен шағын заттарды алатын болған.
«Қағида бойынша, бұл жас жігіттер 200-300 теңгеге бірнеше кварталдық жерге жеткізуді өтінген. Қылмыстық жоспарларын сол уақыт ішінде жүзеге асырады екен. Бұл әрекеттерін жеке-жеке де бірге жүріп те жасайды. Ұялы телефондарды ломбардтарға өткізіп, тапқан табыстарын жеке қажеттіліктеріне жұмсаған. Тек Алмалы ауданы бойынша екеуіне қатысты онға жуық осыған ұқсас эпизод тіркелді. Жалпы қала бойынша басқа да заң бұзу әрекеттеріне қатыстары тексерілуде. Ұсталғандардың екеуі де кінәларын толықтай мойындап отыр. Тергеу жұмыстары жалғасуда» — деп хабарлады Алмалы аудандық ІІБ-ның басшысы полиция подполковнигі Данияр Меңдібаев.
Комментариев: 0