Ашылғанда жүргізушінің бетіне металл сынықтарын шашып жіберуі мүмкін Takata қауіпсіздік жастығы биыл тағы екі кісінің қазасына ықпал етті. Екі жағдайда да 2010 жылғы Dodge Charger седандары апатқа түскен.
Бұған байланысты құрамына Dodge маркасы кіретін Stellantis альянсы 2005-2010 жылдары шыққан 276 мың Dodge және Chrysler иелері 2015 жылы сервистік кампания жарияланса да, әлі тексеріске бармағанын хабарлады. Ол көліктердің бәріне ақауы бар жастық орнатылған, жыл өте аммоний нитраты тұрақсыз бола түсетіндіктен, қауіп те артады екен.
Компания өкілдері 2005-2010 жылғы Dodge Magnum, Challenger мен Charger, сонымен қатар Chrysler 300 мініп жүргендерге хабарласу үшін барын салып жатқанын атап өтті. Егер машина тізімде болса, рөлге отырмауға кеңес берді.
Еске салайық, биыл жаз аяғында Takata эйрбэгі АҚШ-та бір адамның ажал құшуына себеп болғаны белгілі болды. Ford Ranger қатысқан апаттан 23 жастағы жігіт көз жұмған.
Комментариев: 0