Компания жаңарған Tahoe мен Suburban ұсынды және бір платформада жасалған көліктердегі өзгеріс жай рестайлинг емес деп сендірді. Екі модельдің де сырт пішіні сәл өзгеріске ұшырады және салоны қайта жасалып, жаңарған шассимен және қуатты дизельді мотормен жабдықталды.
Сырт пішініндегі негізгі жаңартулар — алдыңғы және артқы жарық техникасы, жаңа бамперлер мен жиынтық түріне байланысты өзгеретін радиатор торлары. Tahoe мен Suburban қазіргі
Салонның алдыңғы бөлігі қайта жасалған сияқты. Көлікте ортаңғы консоль орнына басқаша алдыңғы панель пайда болды. Бренд физикалық түймелер мен дәстүрлі ауыстырып-қосқыштан бас тартты, бірақ реттегіштің кейбіреуі рөлдің сол жағында тұрады. Негізгі функцияларды 11 дюймдік цифрлы панельдің жанындағы 17.7 дюймдік жаңа дисплей басқарады.
Chevrolet ескі батырмалы пульт орнына анағұрлым таныс қорап селекторын қайтарды. Селектор бұрынғыдай рөл колонкасына орналасты, дегенмен қазір теңселіп тұратын джойстик түрінде жасалған. Рөл мен орталық тоннель жақсарды, қымбат жиынтықта әрлеу материалының арасында ағаш қаптама пайда болды.
Технологиялық функциялар қатарына смартфондағы қосымша арқылы борттық және ішкі камераларға қашықтан қосылу мүмкіндігі кіреді. Камералар бейнетіркеуіш ретінде де жұмыс істей алады. Сонымен қатар баланы немесе үй жануарын ұмытпау үшін микро қозғалыстарды тани алатын өте сезімтал артқы орындықты бақылау жүйесімен жабдықталды. Жақсарған SuperCruise «автопилоты» енді бюджеттік жиынтықта болады.
Tahoe мен Suburban көліктерінде 2019 жылы дизельді Duramax пайда болды. Қазір оған 28 ат күші (47 Нм) қосқан, 3 литрлік мотор 309 ат күшін (670 Нм) береді. Көлемі 5.3 және 6.2 литр болатын бензинді V8 бұрынғыдай 360 және 426 ат күшін қамтамасыз етеді.
Инженерлер рөл механизмін қайта баптап, артқы осьтегі көп иінтіректі аспаны жаңартты. Толық тәуелсіз аспа қазіргі буын көліктері үшін негізгі инновациялардың біріне айналды, жүрісі жұмсақ және траектория бойынша тұрақты қозғалу үшін оны одан әрі оңтайлады. Қымбат комплектацияларды көлік клиренсін өзгерту мүмкіндігі бар бейімделгіш амортизатормен жабдықтауға болады.
Көліктер бұрынғыдай Арлингтондағы GM зауытында жасалады, бірақ өндіріс 2024 жылдың аяғына қарай басталады. Tahoe рестайлингі Қазақстан нарығына келе ме, белгісіз. Елімізде бесінші буын өкілі тек биыл тамызында саудаға шықты.
Комментариев: 0