Kelly Blue Book порталы АҚШ-та сатылатын көліктер ішінен алғаннан кейінгі бес жылда өз құнын сақтап қалуға қауқарлы темір тұлпарлардың үздік ондығын таңдады. Мамандардың есебі бойынша орта есеппен автокөлік бастапқы бағасының 60 пайызын сатып алынғаннан кейінгі 60 ай ішінде жоғалтады екен, ал рейтингке енген 10 үлгі бастапқы құнының 55 %-ын сақтап қалады.
Таңданарлығы, үздік ондықта бір де бір седан жоқ. Кроссовер де біреу ғана. Ал тізімдегі көліктердің басым бөлігін АҚШ-та сұранысқа ие жақтаулы пикаптар мен жол талғамайтын көліктер құрайды.
Көш бастап тұрған Toyota Tacoma көлігі. Есепке сенсек, TRD Pro нұсқасындағы «Такоманы» 42 660 долларға сатып алған адам, бес жылдан кейін оны 26 534 (62.2 %) ақшаға қайта сата алады. Рейтингідегі екінші орынды 58.3 % көрсеткішімен Jeep Wrangler иеленген. Үздік үштікті Toyota — Tundra (56.9 %) түйіндейді.
Аталған тізімдегі жалғыз кроссовер — Porsche Macan. Ол соңғы оныншы орынды місе тұтқан. Мамандардың бағасына сай, қолданыста болған бес жыл ішінде шағын кроссовер өз құнының жартысын жоғалтады. Яғни, судай жаңа Macan Turbo үшін 77 000 көк қағазды төлеп, оны бар болғаны 38.5 мыңға сата аласыз.
| Үлгі | 3 жылдан кейін қайта сатқандағы құны (%) | 5 жылдан кейін қайта сатқандағы құны (%) |
| Toyota Tacoma | 69.4 | 62.2 |
| Jeep Wrangler | 66.5 | 58.3 |
| Toyota Tundra | 66.6 | 56.9 |
| GMC Sierra | 62.2 | 56.7 |
| Toyota 4Runner | 65.7 | 56.3 |
| Chevrolet Silverado | 59.8 | 53.7 |
| Honda Ridgeline | 63.2 | 51.3 |
| Chevrolet Colorado | 59 | 50.9 |
| Ford F-Series | 57.5 | 50.6 |
| Porsche Macan | 65 | 50 |
тойота ценится везде