Geo Dirt Tracker концеп-кары қазанның ортасында Barrett-Jackson аукционына шығады. Автомобиль Америка және Жапонияның детальдерінен құрастырылған, ол аса танымал емес Geo брендінің арзан модельдерін жұртқа таныстыруға арналған. Төбесі алынатын жол талғамайтын көлік небәрі 2.2 мың шақырым жол жүрген, бірақ қазіргі жағдайы мінсіз емес.
1989 жылы General Motors концерні жапониялық серіктестерімен бірлесіп шығарған автомобильдерді АҚШ-та сату үшін Geo брендін құрған. Оған Жапонияның Toyota, Isuzu және Suzuki сияқты үш маркасы қатысты. Соңғысының арқасында Geo-ның Tracker деп аталатын бюджеттік жол талғамайтын көлігі шықты, ол кейін Suzuki Sidekick (Escudo, кейін Vitara) атанды.
1991 жылы Geo сериялы автомобильдің өзгерген нұсқасы Dirt Tracker концептісін жасады. Оның әдеттегі Tracker-ден айырмашылығы — жаңа қозғалтқышы. Стандарт 1.6 литрлік агрегаттың орнын 3.4 литрлік V6 басты. Бұл мотор Chevrolet Camaro-ға қойылған. Ол 203 ат күші мен 305 Нм береді, яғни зауыттық Tracker моторынан екі есе күшті. Агрегат 4 сатылы автомат қорап және толық жетекті жүйемен жұмыс істейді.
Dird Tracker жаңа күштік құрылымынан бөлек түрленген аспа, биік клиренс және 16 дюймдік дөңгелек дискісімен ерекшеленеді. Салонда көп нүктелі қауіпсіздік белдігі бар спорттық кресло мен қауіпсіздік қаңқасы пайда болды, мамандар қосалқы дөңгелекке арналған кронштейн қою үшін артқы диваннан бас тартты.
Жол талғамайтын көлік қаншаға бағаланып отырғаны белгісіз. Dirt Tracker аукционда қымбатқа өтуі екіталай, ол концепті болғандықтан жалпыға ортақ жолда жүре алмайды. Осы ережеге және жеке коллекцияда тұрғанына байланысты машина көп жол жүрмеген.
Комментариев: 0