Осакада орналасқан Garage-ill ательесі Suzuki Jimny-ге тюнинг жасады. Тюнерлер бұған дейін модельдің сырт пішінін әртүрлі жол талғамайтын көліктер стилінде сәндеген. Бұл жолы шеберлер Ford Bronco-ның қазіргі буынын негізге алды.
Jimny-дің өзгерген алдыңғы бөлігі Bronco-ны еске салады. Жапондар машинаға BRON55 деген жазуы бар жаңа радиатор торы мен жарықдиодты оптика орнатты. Сондай-ақ Jimny сұсты келбетін айқындап тұратын ірі алдыңғы бампермен жабдықталады, ал артқы есікте EcoBoost жапсырмасы болады.
Бөлшекті қарапайым Jimny түрленіміне де, жақында жарық көрген бес есікті нұсқасына да орнатуға болады. Тюнерлер Ford Bronco-ның көшірмесіне аспа лифті, жаңа дөңгелек дискісі сияқты детальдер орнатып, оның жол талғамайтын ерекшелігін жақсартуды жоспарлап отыр.
Garage-ill ательесінің радиатор торы мен бас оптика жинағы 159 500 иен (жарты миллион теңге) тұрады. Оған алдыңғы бамперді қосқанда жалпы баға 245 000 иен болады.
Комментариев: 0