Сутекті көлік тезек және пластик бөтелке көмегімен жүреді

CES’2024 көрмесінің ашылуына аз уақыт қалғанда Hyundai компанияның болашағына қатысты жоспарын жария етіп, экологиялық таза энергия көзін ерекше атап өтті деп жазды Carscoops. Бренд оны жолда жүретін машиналар мен стационар электрогенератор ғана емес, кеме мен ұшаққа да пайдалануды көздеп отыр.

Сутек өндіру үшін Hyundai түрлі қалдық пен пластик өңдеуге мән береді. Бірінші тәсіл бойынша азық-түлік, тезек сияқты органикалық қалдықтарды ферменттеп, биогаз алады, содан соң оны көмірқышқыл газын алып, сутек шығару үшін пайдаланады. Полимерден сутек алу процесі басқаша өтеді: екінші қайтара өңдеуге жарамайтын пластикті алдымен ерітіп, газға айналдырады да, қажетсіз химиялық элементтерден арылта отырып сутек алады.

Бұл жоспарды жүзеге асыру үшін мамандарға мембраналы электролизер мен полимер электролит керек. Оларды компания алдағы бір-екі жылда өндіре бастайды.