Fiat 500 стилінде жасалған катерлерімен танымал Car Off Shore фирмасы Stellantis концернімен бірге екі орынды моделін ұсынды.
Желдей жүйрік су көлігі ретрохэтчке қатты ұқсайды. Жасыл түсті корпусының пішіні, алдыңғы оптикасы, артқы көрініс айналары және фирмалық дискілерінің имитациясы сол модельді еске салады. Рөлі мен аспаптар торпедосын да автомобильдікіндей әрлеген. Үстінде тент, артында шағын палуба тұр.
Сонымен қатар катер төрт нүктелі қауіпсіздік белдігі бар Besenzoni креслосымен және Wave Shock амортизаторларымен жабдықталған. Жасанды тик едені сән-салтанат қосады. Одан бөлек мұнда аспаптар панелін дека ретінде пайдаланатын төрт динамикті Garmin стереожүйесі бар.
230 ат күшіне ие гидрореактивті қозғалтқыш глиссердің сағатына 100 шақырым жылдамдықпен қозғалуына мүмкіндік береді. Газ шығаратын түтік акустикасы автомобиль моторының дыбысын айнытпай салады.
Stellantis верфь дәл осындай 500 глиссер шығаратынын хабарлады. Бағасы 125 мың доллардан асады.
Комментариев: 0