Электронды бөлшектің жетпеуі көптеген автоөндірушінің жоспарын бұзды. Бұл жолы Subaru тығырыққа тірелді. Компонент тапшылығына байланысты компания Жапониядағы зауыттарының жұмысын толығымен тоқтатады. Ота қаласындағы (Гунма префектурасы) автомобиль шығаратын кәсіпорын және Оидзуми ауылының маңындағы қозғалтқыш пен трансмиссия өндіретін кешен де уақытша жабылады.
Үзіліс 7 қыркүйектен 10 қыркүйекке дейін жалғасады. Айта кетерлігі, Subaru 2021 жылы екінші рет жұмысын тоқтатты. Бұған дейін компанияның негізгі зауыты сәуір айында 13 күнге жабылған.
Қазір Жапонияда Subaru ғана емес, Toyota да қиындыққа ұшырап отыр. Автоөндіруші қыркүйекте өз еліндегі көлік өндірісін 40 %-ға қысқартатынын мәлімдеді.
Комментариев: 0