Subaru жаңа Crosstrek-ті Қазақстанға әкеледі

Көлік құралының типін мақұлдау реестрінде Subaru Crosstrek-тің марканың жергілікті өкілдігі рәсімдеген құжаттары пайда болды.

1 / 5

• 
• 
• 
• 
• 

1 / 5

Бұрын бренд АҚШ нарығында Crosstrek атауымен шағын хетчбэк сатқан, Қазақстанда ол XV ретінде танымал еді. 2022 жылы модельдің үшінші буыны шықты, компания XV индексінен бас тартып, барлық елде Crosstrek деп атау туралы шешім қабылдады.

1 / 5

• 
• 
• 
• 
• 

1 / 5

Автомобиль танымал сырт пішінін сақтап қалды, жаңарған SGP платформасына көшті, басқа Subaru модельдеріне ұқсас заманауи интерьерге ие болды, сондай-ақ вариатор мен толық жетек жүйесімен жұптасқан 2 литрлік моторы қалды. Агрегат 150 ат күші мен 196 Нм момент береді.

Subaru жаңа хетчбэктің нарыққа шығатынын ресми жарияламады, бірақ модельдің дебюті 2024 жылдың аяғына дейін өтетін сияқты. Үшінші буын Crosstrek-тің бағасы қанша болатыны да белгісіз. Subaru XV кетпей тұрып, құны 15.5-18.3 млн теңге аралығында болған.