Subaru тарихтағы ең жылдам әрі қуатты WRX-ті көрсетті

Subaru Motorsports USA мен Vermont SportsCar бірге Project Midnight деп аталатын WRX-тің арнайы нұсқасын жасады. Седан модель тарихындағы ең қуатты әрі жылдам нұсқа болады, бірақ қазірше машинаның қозғалтқыш қуаты ғана белгілі. Автомобильдің тұсаукесері жақында Гудвудтағы (Британия) Жылдамдық фестивалі аясында өтеді.

Project Midnight ірі аэродинамикалық бастырығының арқасында стандарт WRX сияқты көрінеді. Седан өзгеше алдыңғы бампер, арка кеңейткіш және антиқанатпен ерекшеленеді. Жаңа детальдер ғана емес, стандарт шанақ компоненттері де карбоннан жасалған. Мамандар машинаға 18 дюймдік дөңгелек дискісін орнатып, аспаны қайта реттеді.

1 / 10

• 
• 
• 
• 
• 
• 
• 
• 
• 
• 

1 / 10

Көміртекті пластик материалдар мен аскетикалық салонның арқасында жаңа өнім стандарт Subaru WRX-тен жарты тонна жеңіл болады. 2.4 литрлік зауыттық қозғалтқыштың орнын басқан 2 литрлік оппозит мотордың арқасында Project Midnight-тің қуаты 679 ат күшіне жетеді. Болид толық жетекті болады, ал басқа техникалық сипаттамасы әлі жарияланған жоқ.

Subaru Гудвудта әртүрлі дисциплина бойынша бірнеше рекорд жаңартуға ниетті. Ал Project Midnight шоукар күйінде қалады.