Subaru пикап шығаруы мүмкін

АҚШ тұрғындарының шағын пикаптарды көптеп алуы Subaru назарын аударды. Марканың Аустралиядағы бөлімшесінің директоры автоөндіруші клиенттердің қалауын біліп отырғанын және гаммаға пикап қосу жоспарда барын айтты. Тіпті оны сол елдегі мамандар әзірлеуі мүмкін. Бірақ нақты мерзімі белгісіз.

Кейбір бренд үшін пикап жасау тың дүние болса, Subaru-дың бұл істе тәжірибесі бар. 1970 жылдардың аяғында маркада BRAT (Brumby) моделі болған. Ол 1994 жылға дейін шығып, кейін конвейерден түсіп қалды. 2002-2006 жылдары Subaru АҚШ-тағы клиенттеріне Baja деп аталатын көлік ұсынды.

Жаңа машина компания топтамадағы Impreza-дан Outback-ке дейінгі барлық моделіне қолданып жүрген Global Platform платформасына негізделеді деген болжам бар. Демек инженерлер капот астына 2 литрлік оппозит қозғалтқыш немесе 2.4 литрлік турбомотор қояды.