Subaru жасыл модельдерінің қатарын көбейтуді көздеп отырған сияқты. AutoGide таратқан ақпарат бойынша компания e-Outback атауына құқығын тіркепті. Бұл универсалдың электрлі нұсқасы болатынын білдіреді.
Әзірше танымал модель гибрид атана ма, әлде тек электр күшімен жүре ме, белгісіз. Бірақ бірінші нұсқасы шындыққа көбірек сай келеді. Күштік құрылымның электрлі бөлігін Toyota-дан алады деген болжам бар. Қазір брендтің e-Boxer деп аталатын жұмсақ гибрид жүйесі бар.
Subaru электромобиль жасау саласында көш соңында келе жатқанын айта кеткен жөн. Марка топтамасында Solterra атауын алған жалғыз толыққанды электромобиль бар. Оның өзі — өңі өзгерген Toyota bZ4X. Ал Forester, Impreza және Crosstrek бензин-электрлі түрленімдері тек Жапонияда сатылады.
Комментариев: 0